مربط وجزء من حياته القشره .. رجاءً السحالي لايدخلون منعا للإحراج

السلاااام عليكم
<< وعليكم السلام هلا بروحي وقرة عيني انت
>>> من ترك عادته قلة سعادته هع


وشلووووووونكم يالمهااابيل .. وشلون أحبابي التماسيح . عساكم بس بخير وتزقحون العافيه
<< مايبي يشوه سمعته ويجيب طاري السحالي على لسانه أبدا


اليوم جاي ابي اعترف لكم بإعتراف حيل خطير بيفركش التماسيح ويبعدهم عني ويضحك السحالي علي ..


ياناس أنا أول ما انولدت كنت مولود بالعكس يعني بجسم بزر وذكريات وعقل وتفكير شايب .. والمولود الطبيعي مثل ما انتم عارفين اول ما يولد يقعد يصيح الا انا اول ما انولدت كنت طالعن بعصاي وما علي الا ثوب وحتى صروال النص ما لبست لزوم التهوية .. وطاقن الزقارة وقاعدن أتمقل بمقفى الممرضات وهن راحيات.. بعد الولادة خذوني وذبوني في الحضانة مع المواليد الثانين .. وخبركم اني علومي علوم شايب واول ما دخلت على البزارين وانا اصايح القهوة يا ولد .. فنجال وعلوم رجال ومغير اطب في سرير كل ولد واحقن ففمه من هالقهوة واذا ابعد فمه لزمت عليه وقلت لا والله وحقنته زيادة لين غدا كل واحدن منهم كنه مسحوبن شعره من ورا وصايرتن عيونه منفجلة .. وانا والله اللي انعس والتفت على البزارين واثرهم ما جاهم نوم مغير مبحلقين بهالسقف .. وانا اللي اقول ايه يالخباث اثركم راعين سهر
<< ما كنه مقحنهم دلة كاملة



اول ما صحيت من بكرة استقعدت بسريري وخبركم ان الشياب خباث فقمت اصارخ : اغاااااا اغغغغغيييييي يعني عطونا من هالقنوات اللي الوحدة ترقص فيها على وحدة ونص .. ويوم حطو لي قناة ال بي سي وكان فيها برنامج يا ليل يا عين اللي البنات يرقصن فيه وهن ودهن يتفصخن بس ما مسكهن الا الخوف من ان الناس يشوفون حبات الخال اللي في الاماكن الحساسة ( وش هالخوال الزكرت اللي يبوسون في اماكن مالها سنع ..انا اخبر اني لقيت فيني حبة خال في مكان ما ادري وشلون خالي حبني فيه والظاهر انه كان ماخذني بخرابة والا بيت مهجور عشان يبوس بهالمكان) لعن ابو بليسهن يهزن خصورهن 100 مرة بالثانية ووجهك مدرعم ورا الخصر 100 مرة بالثانية حتى ان سعابيلك طايرة بكل محل بالغرفة كنك رشاش ماء يسقي له مزرعه .. والله يوم شفت هالبنيات وانا اللي اصرخ : اغووووووووووه يعني اويلااااااااااه وعلى طول تعبت و رفعت يدي مطالبا الممرضة بتغيير الحفاظة ورقدت ..



ومن بكرا جوني خويات الوالدة بيشوفوني .. والله وتشيلني وحدة وتجغفني وهي تقول شوفوا وش حليله .. والله وانا اللي القاها فرصة واجغف فيها هي تبوس وانا ابوس وهي تجغف وانا اجغف والبنية شكت بالموضوع بس خافت تتكلم ويضحكون عليها خوياتها .. ومير هي اللي تسلمني لخويتها الثانية وهي تبوس وانا ابوس وهي تجغف وانا اجغف وبديت امد يدي لقميصها ابشوف وش صناعته بس عيال الكلب اثرهم شادين المهاد صح .. بعدها جتني الممرضة وشالتني بتغير لي الحفاظات وحطتني على طاولة ومير هي اللي ما لقت حفاضات وراحت تدور وفيما هي تدور وانا اللي يطقني الزهق واقعد اتلفت يمين ويسار واشوف لي علبة ادوية مرسومن عليها حبوبن زرق وابلع لي ثنتين وانا اقول هذا اللي بيعزك ياربووط .. المهم يوم جت الممرضة ومعها كيس حفايظ وهي اللي تفصخ حفاظتي يوم بلّمت شوي وهي تصرخ .. وانا اطالع فيها وداقن الابتسامة واهز بواحدن من حواجبي.. وراحت واشتكت عند مدير المستشفى وقال المدير لاهلي : ولدكم ذا ما يجلس عندنا الا بشرط لازم يكون بقسم تنويم الرجال .. واللي يغير له حفايظه لازم يكون رجال بعد .. ومالكم بالطويلة الممرض اللي يغير حفايظي استقال خوفن على عمره.. مما اضطرهم انهم يقولون لي ظف وجهك لبيت اهلك..


ومرت الايات تلو الايام وفي هاك الصباح المشرق قمت من النوم وكأي مراهق سعودي بريء اول ما يقوم من النوم يقعد يلعب بشعره ثم يروح للدريشة يشوف وش هالصجة اللي عند عيال الجيران ويفتح الدريشة وتصمخة الكورة بوجهه ثم يسكر الدريشة ويرجع يكمل نومته من الدوخة
وبعد برهة من التبطح اللي ما له سنع وبعد عدد من الشطحات اللي ما ادري وش تبي وبعد مشاورات مع نفسي قررت اني اقوم من النوم



ولما استقعدت على السرير وطبقت حركة القرفصاء ولا اعجبني اسمها قررت اني اغير الحركة وانبطح على بطني وخميت الوسادة ..!


وهذا ما شد انتباهي لاول وهلة.. خمة الوسادة..!! هذي اول مرة اسويها..!



وبعد تفكير وتحليلات ادخلت اصبعي في خشمي زيادة في الالهام..اكتشفت انها علامة من علامات بداية الدخول في سن المراهقة واني بالغ مالي يومين .. مما رسم على وجهي ابتسامة صفراء زادها جمالاً السعبولة التي تدلت من شفتي وعيت تنقطع مما حداني لاستعمال اصبعي لفصلها وبحركة بهلوانية لزقتها جمب خوياتها بالسقف



نزلت من السرير واتجهت للمراية وانا فاصخ الفنيلة لاستعراض جسمي ولكي ألمح التغيرات الفيسيولوجية التي حصلت فيه . اكثر ما شد انتباهي هي كم حبة خال في الصدر



تابعت تمقلي بوجهي لأتأكد بالتغيرات التي تحصل في شكل المراهق ومنها بروز الخشم بشكل ملفت قليلا ولكني تفاجأت بأن خشمي كان يسمع بالبروز ولا يدري وشلون.. اذ انه مسك له خط وطق الهوجاس ولا عاد وقف .. حتى ان الشخص الذي امامي في المراية كان مدنق لتفادي خشمي وانا مايل على جنب لتفادي خشمه



وفي هذه اللحظة فقط ادركت بأن احلامي قد ذهبت ادراج الرياح وتلاشت.. حيث كنت احلم بأن يتحسن حال وجهي القبيح في هذه المرحلة الحرجة من حياتي .. وليتها وقفت على طول الخشم بل تعدتها بوجود ميلان وتحدب في منتصف الانف حتى ان المرور علقوا عليه لوحة مكتوب عليها منعطف خطر



سلمت امري لله وتابعت تمقلي بباقي اجزاء الجسم .. حيث رفعت يدي لارى ابطي الايمن.. يوم النذل اللي قدامي طلع لي ابطة الايسر. فقلت في نفسي .. بدينا باللكاعة.. واوريه اليسار ويوريني اليمين. فتذكرت بأن الصورة عكسية .. وبدات بعد شعرات ابطي وانا اشير بإصبعي كل على حدة .. 1 2 3 .. وكان اللي في المراية يعد 1 2 3 4 5 !! ( وكل هالحركات كانت تحدث وهو مدنق وانا مايل على جنب) فأدركت بأن خلقتي رايحه فيها وان مابه امل اتحسن ولكني صرفتها بالصورة العكسية لاكمل مسيرتي بالحياة .. ولـ إيقاني الشديد بأن الشكل الخارجي للشخص لا يقلل من نجاحه في حياته العملية والدليل على ذلك شوفوا عبدالرب ادريس وعبادي النكبه



وفي هذه الاثناء سمعت قهقهة وضحك مياعة وتدليع فخرجت من غرفتي لأتبين الامر فرأيت الوالد وهو يشير لوالدتي بحبة زرقاء اللون فأدركت بما لا يدع مجالا للشك انه قاعد يقردنها.. مع العلم بأنهم قد قرروا عدم انجاب طفل اخر لكي لا يتكرر ما حصل لي ولكن الزنقة شينة.. فحبيت اضيع الموضوع وقلت لهم :


السلام عليكم .. فالتفت الوالد بسرعة ولما وقعت نظراته على وجهي قال : الله يحوم تسبدك بلا .. بالله هذا وجه نصبح عليه .. وقام وطلع من البيت .. مما جعل اميمتي الله يخليها لنا تنظر الي بكل حقد لاني فركشت مخططاتهم .


ابدا لم تكن معاملتهم لي عادلة .. حتى اخوتي كانوا يتهربون من رؤية وجهي القبيح وكأني مسخا .. حتى ان الوالد يوم صار عمري 8 سنوات ناداني وقال لي : الان جا الوقت اللي لازم تكمل فيه نص دينك وتطلع في بيت الحالك!!


نعم .. لقد كنت مظلوما حيل من جميعا الناس موب من اهلي وبس . مرة وانا رايح رايح كعابي للمدرسه كل من شافني وهو يسوق سياره حاول يدعسني ومرة من المرات كنت ابي ادخل بقالة الا والبنقالي راعي البقاله قفل المحل وقال خلص اللي تبيه



وبمرور الايام بدا قلبي بالقرقعة اشتياقا لمقابلة انثى تحسسني بالحنان والعطف وتتحمل النظر لخشتي المعدومة الملامح .. وبما ان ديننا وعادات وتقاليد مجتمعنا تمنع ان تختلط مع هذا الجنس اللطيف .. وبما انه لم يكن عندنا في تللك الحقبة من الزمن دش ولا صور للمثلات حيث انه لم يوجد عندنا سوى القناة الاولى والثانية حتى ان اطلق برنامج في القناة الثانية كان ( دعونا نتحدث العربية).. فكان لزوما علي بأن اوجه قلبي للانثى التي اراها كل يوم .. الانثى التي سحرت قلبي .. الانثى التي شغلت ذهني وبطت تسبدي بتغليها.. شغالة الجيران سوناتي.. اذ اني طقيت لها صورة وعلقتها في غرفتي وكتبت تحتها يا روحي يا سوناتي.. وكانت الصورة لسوناتي وهي تمشي في الشارع ومعها كيس زبالة وملتفتة علي وهي تشر لي بأحد اصابعها.. واعتقدت طوال فترة حبي لها انها كانت تشر لي وتقول good
ولم افهم مغزى اشارتها بنت الوصخة الا بعد مرور عدة اعوام!!



وخلال هذه المرحلة من حياتي قررت اني اترك البيت اللي انا عايش فيه واروح اشوف مستقبلي المظلم
فاتجهت الى اصدقائي في شقة لمعرفتي المسبقة بأن الصديق وقت الضيق وبأننا اكلنا عيش وملح سوى .. وفعلا لم يخب ظني فيهم .. فبعد ان قصصت عليهم قصتي الحزينة وبعد ان مسحوا دموعهم قالوا لي: والله يا مربط انت رجال تنشرى (مما جعل خديداتي تنتفخ) وان ما شالتك الشقة تشيلك عيوننا ( يوم قالها اختفت المركة اللي انا جالس عليها.. ) (وكان عندي مشكلة .. اذا جاني مدح يختفي اقرب شي عندي) لكن مثلك خابر الشقة ضيقة ولازم تقط معنا قطتين ..وحدة عنك ووحدة عن خشمك وتدفع حق المركة اللي كنت جالس عليها .. ترانا قافطينك..


وذا السبب الوحيد اللي خلاني اصير مطلوب عند جميع مراكز وهيئات الشرطه حيث أنني اصبحت رئيساً لجميع العرابجه والدفع اللي خلاني الرئيس هو بشاعتي وانعدام خشتي من اي ملامح نظرهـ
نعم ..رئيسا للعرابجه وليس اي عرابجة بل نتكلم عن هؤلاء الكائنات اللطيفة والتي ان كسبت حسنة في اليوم كانت في اذا قام من النوم الساعة وحدة بالليل راح حب راس امه ثم قال لها: ما شفتي ولاعتي..؟
نعم .. العرابجة وخصوصا هؤلاء الذين كانوا فاهمين الغزل غلط لقلة صبرهم فكانوا اذا رؤوا فتاة تمشي مختالة ومتبخترة في الشارع فقشوا راسها ببلكة ونطلوها بصندوق الددسن( مهوب فاضين 3 شهور مكالمات ثم بعدها تعطيك رقمها ثم اذا كنت سعيد الحظ قابلتها بعد سنة)



إلى هنا وانا امتنع عن الكتابه .. نعم هنا أكتفي بهذا القدر الكافي من الاعتراف . لقد صقعتني الصاعقه وأجهشت بالبكاء وش ذا اللي عم بيصيرلي .. وش هالحبه اللي طالعه بوسط خشمي هالحين وش ذا الحال كل يوم اقول تتحسن هالخشه مير كل مالها من ردي لأردى
<< توه قز روحه بالمرايه



نعم .. مربط .. الداشر العربجي كان هنا .. ومن هنا قدمت أروع ذكريات عشتها بالماضي من بيت الامان وبيت الاهل إلى بيت الدشير والشقق المفرووشه





/


/






**مايستفاد من الموضوع**


1/ الرجاء من السحالي عدم التعليق منعا للقهر والإحراج .


2/ إذا كنت شين وتغث الناظرين خلك داشر احسلك .


3/ كثير منا من يتخذ الشكل الخارجي مقياس يقيس عليه الجوهر الداخلي للإنسان فبعد مهلة من الوقت تتصادم وتلاطش أمواج الاحلام صخرة الواقع .


منتديات مدرسةابو عايشة ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

تقبلوا تحياتي

احمد هلال