نويت الصلااة

موضوع: نويت الصلااة الإثنين يونيو 07, 2010 8:38 am

إستووا
إعتدلوا
إستقيموا يرحمكم الله

الله أكبر

حمادة ركز بأه في الصلاة وبلاش تسرح
طيب خلاص
إمممم
هو الراجل اللي جنبي ده صوابع رجليه عاملة كده ليه؟
صباعه الكبير ده كبير أوي
اه بمناسبة الصوابع هي صوابع زينب دي اللي هيا إيه؟
بيتهيألي دي اللي عاملة زي الزلابية، زلابية؟؟
زلابية إيه بس وبتاع إيه

الله أكبر

حمادة ركز يا حمادة
طيب ماأنا مركز أهوه
مركز إيه طيب إنت قريت سورة إيه؟
أنا قريت سورة اللهب شفت بأه أنا مركز إزاي؟
لألأ دي كانت سورة الفيل

سمع الله لمن حمده

ربنا ولك الحمد
أنا جعت
بس مش عارف أفطر إيه النهاردة؟
آه المطعم الجديد اللي كانوا بيتكلموا عنه إمبارح
بيقولوا عليه أكله حلو
بس هو في شارع إيه؟
لما أخلّص الصلاة أتصل بالتليفون أعرف العنوان

الله أكبر

هيا الساعة كام دلوقتي؟
زمانها أربعة وخمسة
على فكرة هيا الساعة التانية الجلد كنت حطيتها فين؟
آه.. ياإما في الدرج ياإما في الدولاب
دولاب ايه بس يا حمادة ركز يا حمادة إنت بتصلي
أستغفر الله

الله اكبر

أهوه أنا مركز أهوه
إنظر لمكان السجود وركز في الأيات اللي بيقولها الإمام

الله أكبر

الشيطان ده أعوذ بالله بيخلي الواحد يسرح
مش هو الشيطان بيتسلسل في رمضان
يعني بيتسلسل تلاتين يوم
أيوه بس هو رمضان ده تسعة وعشرين ولا تلاتين؟
هو إبتدى إمتى؟
تعالى نحسبها كده.. هو كان يوم السبت في السعودية وفي مصر الأحد

غريبة أوي الحكاية؟
طيب لو واحد على الحدود ورجل بره ورجل جوه يصوم ولامايصومش؟ حمادة.. شفت أهوه إنت رجعت تسرح تاني

الله أكبر

هو إحنا في الركعة الكام؟
يعني هانقوم ولا هانقرأ التشهد؟
لا دي التانية
طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر

أيوه دي الركعة التانية
شفت بأه عشان سعادتك عمال تسرح
لأ خلاص أعوذ بالله من الشيطان الرجيم

الله أكبر

السجادة دي مريحة ولونها حلو
هيا سجادة ولا موكيت
لاموكيت بنسيج السجاد
آه على فكرة إبقى إفتكر تكنس السجادة اللي في البيت بالمكنسة
بس لازم أنضف كيس المكنسة عشان بقالي مده مانضفتوش

الله أكبر

الراجل اللي جنبي ده رجليه بتزق في رجلي
طيب أحرك رجلي شوية
الله ده بيلزقها فيا تاني
أستغفر الله

الله أكبر

فيه صوت موبايل
الناس دي ليه مش بتقفل الموبايل ساعة الصلاة
مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس..
بس هو الموبايل ده كان نوعه إيه؟
بيتهيألي سيمنس..
هيا إيه الرنة دي؟
آه أنا عايز أبقى أغير الرنة

الله أكبر

الراجل اللي جنبي ده عمال يتحرك كتير
أستغفر الله مافيش خشوع خالص
أنا أهوه مش باتحرك

السلام عليكم ورحمة الله
السلام عليكم ورحمة الله

إيه هيا الصلاة خلصت ؟

السلام عليكم ورحمة الله
السلام عليكم ورحمة الله

ياتري مين مننا زي حمادة
ومين مننا عايز فعلا يخشع في الصلاة
عشان يتحقق معناها الحقيقي

في انتظار ارائكم

ههههههههههههههه
شكراً يايمنى على هذا الموضوع الرائع
موضـــــــــــــوع كبيــــــــــــــــر جداً ( الخشوع فى الصلاة )
ياريت كلنا نحاول نخشع فى الصلاة وذلك باتباع مايلى :
1- اعلم أن الخشوع في القلب والقلب كالعضلة يجب تمرينها لتكبر وتقوى...فلا تتوقع أن يأتيك الخشوع في يوم وليلة...وإنما يجب أن تعلم أن الأمر يحتاج إلى تدريب مستمر لكي تدرب عضلة القلب على الخشوع.

2- أذكر الله خلال اليوم في كل ساعة ولو دقيقة...فمن كان قلبه لاهيا عن الله طوال اليوم من الصعب إن ينتقل فجأة إلى الخشوع في الصلاة..فذكر الله خلال اليوم ممهدات للخشوع

3- توضأ لكل صلاة وادعوا الله خلال الوضوء أن يطهر قلبك كما طهر بدنك وأن يرزقك قلبا خاشعا.

4- ضع أجود أنواع المسك أو العودة بعد الوضوء..فالرائحة الطيبة تساعد على الخشوع

5- اذهب إلى المسجد بعد الأذان مباشرة (والأفضل أن تكون في المسجد وقت الأذان)...بالنسبة للنساء فالمطلوب الصلاة في وقتها بدون تأخير وحبذا لو خصصت المرأة لنفسها ركن في البيت تجعله لعبادتها...ويكون ركن هادئ ومهيأ..

6- عند خلعك نعلك عند المسجد تصور أنك خلعت الدنيا من قلبك وقل دعاء دخول المسجد.

7- صل ركعتين قبل الفريضة وادعوا الله في السجود أن يجعل الصلاة قرة عين لك....

8- عند الاقامة ردد مع المؤذن ثم ادع الله أن يحسن وقوفك بين يديه.

9- عند التكبير تصور انك ترمي الدنيا وما فيها خلف ظهرك....وحاول تصور أنها قد تكون آخر صلاة في حياتك.

10- بطئ من جميع حركات الصلاة ومن سرعة القراءة....بطئ السرعة إلى نصف ما اعتدت عليه سواء في القراءة أو في حركة الركوع والسجود...فخشوع الجسد يساعد على خشوع القلب....

11- عند السجود تصور وتذكر ارتباطك بالأرض فمنها خلقت وإليها ستعود

12- تعلم الأدعية والأقوال المختلفة في الصلاة كي تنوع وتكسر الملل أو الروتين.

13- بعد الصلاة استغفر الله ثلاثا ..

الأولى لتقصيرك في أداء الصلاة كما يجب ......
والثانية لتقصيرك عن حمد الله أن أذن لك أن تصلي بين يديه......
والثالثة لذنوبك أجمعين. ....

أؤكد لك إن واظبت على جميع النقاط أعلاه فستجد فرق كبير في صلاتك خلال أسبوع أو أقل بإذن الله...

اللهم ارزقنا قلبا خاشعا ولسانا ذاكرا وعلما نافعا...

]size=24] ههههههههههههههههههههههههههههههه[/size]
]size=24]حمادة دة راجل ولا كل الرجالة خاشع جدا فى الصلاة[/size]

شكرا على مروركم الكريم